Welkom by die tuisblad van

 

Jan H. Langenhoven

 

Hierdie webtuiste is in Maart 2011 geskep om veral genealogiese gegewens te plaas.

Dit word van met tussenposes uitgebrei en aangepas.

 

Die Van Zyls van die Hermitage (Voorlopige Verslag 2014 Feb)  (In PDF-formaat)

In hierdie verslag oor die Van Zyl-familie wie se wortels in die Hermitage by Swellendam gevind word, ontbreek daar nog inligting.  Familie word versoek om aanvullende gegewens soos in die teks aangetoon is, aan te stuur.  Die opsteller beoog om later die finale manuskrip met soveel as moontlik familiefoto’s en uitgebreide historiese inligting oor die Hermitage te publiseer. 

 

Die Familie Langenhoven (Nou in PDF-formaat, ongeveer 1 Mb.  Klik om af te laai.) is ’n familieregister van die Langenhovens wat aanvanklik in 1982 gepubliseer is.  Intussen is ’n hele nuwe geslag by die familie gevoeg wat graag ook ’n afdruk daarvan wil hê.  Dit skep sommer ook die geleentheid om die register by te werk en uit te brei.  Hiermee word die jongste bygewerkte weergawe van die Langenhoven-genealogie van 1982 gratis aan belangstellendes beskikbaar gestel: Hierdie genealogie bevat al die gegewens wat in 1982 in die boekie met dieselfde naam gepubliseer is.  Daar is reeds enkele regstellings en byvoegings gemaak.  Familie word genooi om verdere inligting aan te stuur.  

 

Die Langenhovens van Diamant (Klik om inhoudsopgawe in PDF te sien)

Die familiegeskiedenis van die Swellendamse Langenhovens het in November 2013 verskyn met die titel: Die Langenhovens van Diamant (ISBN 978-0-620-58248-3). Dit is ’n sagtebandboek met 225 bladsye (A4-grootte) met meer as 440 foto’s waarvan sowat 170 in kleur.  Dit beskryf die lewensgeskiedenis van b5c12 Hendrik Petrus Johannes Langenhoven (geb. 1860) en van sy kinders: Lisa, Jannie, Hennie, Hansie, Chrissie en Pieter.  Daar is ook kort lewensketse van sy kleinkinders.  ’n Beperkte oplaag is gedruk.  Die inhoudsopgawe van die boek kan hier gelees word.  Dit is nie in die handel verkrygbaar nie, maar kan van die skrywer bestel word.  E-pos aan: jan by langenhoven.net

 

 

 

Die afstammelinge van Willem Hendrik Boshoff Kritzinger

Hierdie genealogie is opgestel deur Willem en Martie Kritzinger van Pretoria.  Dit bevat inligting oor die afstammelinge van Willem Hendrik Boshoff Kritzinger (1856 - 1929).  Familie word genooi om verdere inligting aan te stuur.

 

Die Cronjés van die Biggarsberg

Hierdie genealogie is in 1988 gepubliseer.  Dit bevat inligting oor die nasate van Abraham Marthinus en Pieter Christiaan Cronjé.  Dit verteenwoordig die meeste Cronjés van Natal.  n Aantal van die boeke is nog beskikbaar vir familie.  Klik op die skakel vir meer besonderhede.

 

Die Eickers van Angora Hill (deur Gina Eicker) (In PDF-fomaat) (ongeveer 2 Mb)

Die herkoms en genealogie van hierdie klein Afrikaanse familie word hierin uiteengesit met ’n paar pragtige familiefoto’s.

 

GOOI LOS!   Die vissermanne van Witsand en Port Beaufort

Gooi Los!n Koffietafelboek oor die vissermanne van Witsand en Port Beaufort is op Oukersdag 2011 in Witsand bekendgestel.  Dit is nou in winkels in die Suid-Kaap beskikbaar en kan ook per pos bestel word.  Die geskiedenis van die kommersiële visbedryf en die sporthengelaars van Witsand en Port Beaufort, die tweelingdorpie aan die Breëriviermond, word hierin in groot besonderhede vertel.  Klik opskrif vir meer inligting.

 

 

Skryf aan:

Jan Langenhoven, Posbus 71, WITSAND  6666

Of per e-pos aan: